پاکستانی نژاد کینیڈین یوٹیوبر اور کامیڈین زید علی نے بیٹے کے ہمراہ پہلی تصویر جاری کردی۔

زید علی نے اب تک بیٹے کے ساتھ جتنی بھی تصاویر شیئر کی ہیں اس میں نومولود کا چہرہ واضح نہیں تھا لیکن اب اس جوڑے نے اپنے بیٹے کا چہرہ دکھادیا۔

زید علی نے اس تصویر کے کیپشن میں لکھا کہ آپ نے ہماری زندگی مکمل کر دی، آپ ایک فرشتہ ہیں ازیان۔

واضح رہے کہ انٹرنیٹ پر اپنی مزاحیہ ویڈیو سے شہرت حاصل کرنے والے پاکستانی نژاد کینیڈین اسٹار زید علی نے اگست 2017ء میں یمنیٰ سے شادی کی تھی۔

تاہم بیرونِ ملک پیدائش اور پرورش کے باوجود زید نے اپنا طرز زندگی روایتی پاکستانیوں جیسا رکھا ہوا ہے،فیس بک اور ٹوئٹر پر ان کے فینز کی تعداد لاکھوں میں ہے اور ان کی مزاحیہ ویڈیوز سوشل میڈیا پر کافی مقبول ہیں۔

گزشتہ ماہ زید علی اور یمنیٰ زید کے ہاں بیٹے کی پیدائش ہوئی تھی جس کا نام اس جوڑے نے ازیان علی زید رکھا تھا۔