پاکستان کے معروف اداکار عثمان مختار کی  ایک ویڈیو سامنے آئی ہے جس میں وہ اپنی مہندی کے فنکشن میں ڈانس کرتے دکھائی دے رہے ہیں۔

اداکار عثمان مختار کو اس ویڈیو میں اپنے دوستوں کے ہمراہ ڈانس کرتے ہوئے دیکھا جاسکتا ہے۔

اس ویڈیو میں دیکھا جاسکتا ہے کہ اداکار اپنی مہندی کی تقریب میں اپنے ساتھیوں کے ہمراہ مختلف گانوں پر ڈانس کر رہے ہیں۔

ان ویڈیوز میں شوبز انڈسٹری کے مختلف شخصیات کو بھی جھومتے ناچتے گاتے ہوئے دیکھا جاسکتا ہے۔

خیال رہے کہ پاکستان کے نامور اداکار عثمان مختار کی شادی کی تقریبات کا باقاعدہ آغاز ہوچکا ہے جس کی تصاویر سوشل میڈیا پر کافی تیزی سے وائرل ہورہی ہیں۔

عثمان مختار اور زنیرہ انعام کی مایوں کی تصاویر و ویڈیوز یوں تو مختلف سوشل میڈیا اکاؤنٹس پر وائرل ہوئی ہیں تاہم اداکار نے خود اب تک اس حوالے سے کوئی پوسٹ شیئر نہیں کی ہیں۔

خیال رہے کہ رواں برس عثمان مختار نے انسٹاگرام پر اپنے نکاح کی تصاویر شیئر کرتے ہوئے مداحوں کو 31 مارچ کو رشتہ ازدواج میں منسلک ہونے سے متعلق بتایا تھا۔