حال ہی میں شادی کرنے والی شوبز انڈسٹری کی معروف اداکارہ منال خان اور احسن محسن اکرام کی جوڑی مالدیپ میں ہنی مون منانے کے بعد دبئی پہنچ گئی۔

اداکارہ منال خان اور احسن محسن دبئی سے سیر سپاٹوں کی دلکش تصاویر مداحوں کے لئے انسٹاگرام پر شیئر کر رہے ہیں۔

منال خان اور احسن محسن کی انسٹا اسٹوریز سے پتا چلتا ہے کہ منال خان دبئی میں شاپنگ میں مصروف ہیں۔

انہوں نے دو بیگز کی تصویر شیئر کرتے ہوئے مداحوں سے مشورہ بھی مانگا تھا۔

یاد رہے کہ منال خان نے اپنی انسٹاگرام پوسٹ کا کمنٹ سیکشن بند کرکے مداحوں کو کشمکش میں مبتلا کردیا تھا تاہم اب دبئی سے کی جانے والی پوسٹس میں منال خان نے اپنے کمنٹ سیکشن کو ایک بار پھر کھول دیا ہے۔

واضح رہے کہ گزشتہ ماہ منال خان ،احسن محسن اکرام کے ساتھ رشتۂ ازدواج میں منسلک ہوئی تھیں۔