پاکستان کی نامور گلوکارہ آئمہ بیگ کے نئے انداز میں لی جانے والی تصاویر نے سوشل میڈیا صارفین کا دل جیت لیا ہے۔

گلوکارہ آئمہ بیگ نے اپنے سوشل میڈیا اکاؤنٹ پر  بھی کچھ تصاویر شیئر کی ہیں ۔

ان تصاویر میں آئمہ بیگ کو مغربی طرز کا لباس پہنے ہوئے دیکھا جاسکتا ہے لیکن ان کا سادہ انداز ان کو مزید خوبصورت بنا رہا ہے۔

خیال رہے کہ پاکستان کی کم عمر گلوکارہ آئمہ بیگ اپنی مسحور کن آواز کی وجہ سے کافی مقبول ہیں۔

آئمہ بیگ کو لائیو گانا پسند ہے اور اس حوالے سے ان کا کہنا ہے کہ اگر گلوکار لائیو نہ گا سکے تو اس کے گانے کا وجہ ہی کیا ہے۔

واضح رہے کہ آئمہ بیگ اردو، انگریزی، پنجابی، فرنچ، چینی اور کورین زبانوں میں گاتی ہیں۔

ایک انٹرویو کے دوران اپنے کیریئر کے حوالے سے بات کرتے ہوئے انہوں نے بتایا ہے کہ  وہ پہلے گلوکاری کے شوق سے مطمئن ہوجائیں پھر اداکاری کریں گی۔

آئمہ بیگ نے بتایا ہے کہ انہیں بچپن سے ہی گانے کا بہت شوق تھا اور وہ اسکول سے واپس آنے کے بعد پورا دن کمرے میں بند ہو کر انگریزی گانا گایا کرتی تھیں۔