پاکستانی کی نامور اداکارہ صحیفہ جبار نے بتایا ہے کہ انہوں نے اپنی ناک کی سرجری کروالی ہے۔

تفصیلات کے مطابق پاکستانی اداکارہ صحیفہ جبار نے انسٹاگرام پر اپنے ایک پوسٹ میں بتایا ہے کہ انہوں نے طبی پیچیگیون کے باعث اپنی ناک کی سرجری کرائی ہے۔

اپنی سرجری کے حوالے سے  اداکارہ نے بتایا ہے کہ ان کی ناک کی ہڈی بڑھ گئی تھی ، جس کی وجہ سے ان کی ایک سائیڈ تنگ ہوچکی تھی اور انہیں سانس لینے میں بھی مشکلات کا سامنا کرنا پڑ رہا تھا۔

صحیفہ جبار خٹک نے لکھا کہ وہ گزشتہ 11 سال سے مذکورہ پیچیدگیوں میں مبتلا تھیں، ان کے ناک سے خون بہتا تھا جب کہ سردیوں میں پرسکون زندگی گزارنا ان کے لیے مشکل بن جاتا تھا جس کے بعد انہوں نے سرجری کروانے کا فیصلہ کیا تھا۔

صحیفہ جبار نے اپنی سرجری کے حوالے سے بتایا ہے کہ وہ ناک کی سرجری کے بعد دو ہفتوں تک بستر سے چپکی رہیں جب کہ انہیں سانس لینے میں بھی مشکلات پیش آئیں تھیں۔

اداکارہ نے واضح کیا کہ انہوں نے خوبصورتی بڑھانے کے لیے ناک کی پلاسٹک سرجری نہیں کروائی ہے ، یہ ایک کاسمیٹک سرجری ہے جو ان کی  ناک کی بڑھی ہوئی ہڈی کے باعث کرائی گئی تھی۔