پاکستان کے نامور گلوکار علی ظفر کے انسٹاگرام اکاؤنٹ پر 5 ملین فالوورز مکمل ہوچکے ہیں جو کہ ایک بڑی کامیابی ہے۔

علی ظفر نے انسٹاگرام پر فالوورز کی تعداد 5 ملین ہونے پر خوشی کا اظہار کرتے ہوئے اپنے مداحوں کا شکریہ ادا کیا اور اپنی تصویر بھی شئیر کی۔

تصویر میں علی ظفر کسی کنسرٹ میں گانا گا رہے ہیں، جس پر انہوں نے لکھا کہ ”پارٹی تو ابھی شروع ہوئی ہے۔

اس سے قبل علی ظفر علی ظفر نے متحدہ عرب امارات کی حکومت کی طرف سے گولڈن ویزا حاصل کرنے والے پہلے پاکستانی اداکار ہونے کا اعزاز حاصل کیا تھا۔

خیال رہے کہ پاکستانی گلوکار علی ظفر کو ٹوئٹر اور انسٹاگرام سوشل سائٹس پر پہلے ہی کامیابی حاصل ہوچکی ہے جس کے بعد  ان کے یوٹیوب چینل پر بھی صارفین کی تعداد  1 ملین مکمل ہوگئی ہے۔

یوٹیوب چینل پر 1 ملین فالوورز مکمل ہونے پر علی ظفر نے اپنے مداحوں کا شکریہ بھی ادا کیا ہے۔

اس سے قبل گلوکار علی ظفر کے سوشل میڈیا اکاؤنٹ ٹوئٹر پر 3 ملین فالوورز مکمل ہوئے تھے۔