بھارتی اداکارہ پریانکا چوپڑا کی ہالی ووڈ کی سائنس فکشن مووی دی میٹرکس ریزرکشنز کے پوسٹر سے مایوس ہوگئے۔

اداکارہ نےفوٹو اینڈ ویڈیو شیئرنگ ایپ انسٹاگرام پر فلم  دی میٹرکس ریزرکشنز کا پوسٹر شیئر کیا ہے۔

انہوں نے فلم کا پوسٹر شیئر کرتے ہوئے بتایا کہ دی میٹرکس ریزرکشنز کی اس نئی انسٹالمنٹ کو اس کرسمس پرایچ بی او میکس اور سنیما گھروں میں دیکھنے کے لئے تیار ہوجائیں۔

پریانکا کے مداحوں نے پوسٹر دیکھتے ہی اداکارہ کی غیر موجودگی پر مایوسی کا اظہار کیا ہے۔

واضح رہے کہ اداکارہ پریانکا چوپڑا ہالی ووڈ کی سائنس فکشن مووی دی میٹرکس ریزرکشنز میں بڑی اسکرین پر اپنی شاندار اداکاری کے جوہر دکھاتی نظر آئیں گی۔

لانا واچوسکی کی ہدایت کاری میں بننے والی اس فلم میں کیانو ریوز اور اداکارہ کیری این ماس اپنے پرانے کرداروں میں ہی اداکاری کے جوہر دکھاتے نظر آئیں گے جن کرداروں میں وہ دی میٹرکس کی پہلی انسٹالمنٹ میں نظر آئے تھے۔

اس کے علاوہ فلم کے اس سیکوئل میں کچھ نئےچہرے بھی نظر آئیں گے جو کہ سیریز کی پچھلی انسٹالمینٹس کی کاسٹ کا حصّہ نہیں تھے، ان اداکاروں میں نیل پیٹرک ہیریس، پریانکا چوپڑا اور جوناتھن گروف شامل ہیں۔

یاد رہے کہ پریانکا چوپڑا نے امریکی ٹی وی سیریز کوانٹیکو سے ہالی ووڈ میں ڈیبیو دیا تھا اور بعد اذاں کئی پراجیکٹس میں بھی کام کر چکی ہیں۔