نامور گلوکار و موسیقار عدنان سمیع کو شاندار کارکردگی پربھارتی حکومت نے اعلیٰ ترین سول اعزاز سے نواز دیا۔

گلوکار عدنان سمیع نے فوٹو اینڈ ویڈیو شیئرنگ ایپ انسٹاگرام پر انڈیا کے پدماشری ایوارڈز کی تقریب سے کچھ تصاویر شیئر کی ہیں۔

انہوں نے تصاویر شئیر کرتے ہوئے لکھا کہ بھارت کا اعلیٰ سول ایوارڈ پدما شری ان کے لئے سب سے بڑا اعزاز ہے۔

انہوں نے لکھا کہ وہ اس باوقار پدما شری ایوارڈ کے لئے بھارتی حکومت کے شکر گزار ہیں۔

نامور گلوکار نے لکھا کہ وہ بھارت کے خوبصورت لوگوں کے مقروض ہیں جنہوں نے انہیں غیر مشروط محبت دی اور ان کے سفر کا ایک لازمی حصہ رہے اور اسی وجہ سے وہ  یہاں تک پہنچے۔

واضح رہے کہ پیر کے روز منعقد ہونے والی تقریب میں عدنان سمیع ، کرن جوہر، کنگنا رناوت،  ایکتا کپور اور آنجہانی بھارتی گلوکار ایس پی بالاسوبرامنیم کو آرٹس کے میدان میں ان کی شاندار کارکردگی پر اس ایوارڈ سے نوازا گیا۔

یہ ایوارڈ فنکاروں نے انڈیا کے صدر رام ناتھ کووند سے وصول کیے۔