بھارت کی معروف اداکارہ انوشکا شرما نے اپنے شوہر ویرات کوہلی کو سالگرہ کی مبارکباد پیش کرنے کے لئے ایک انوکھی پوسٹ لگائی ہے۔

اداکارہ نے اپنی پوسٹ میں سالگرہ کی مبارکباد کے ساتھ ساتھ کوہلی کے بہترین انسان ہونے کے حوالے سے بھی بتایا ہے۔

اپنے پوسٹ میں انوشکا شرما نے ویرات کوہلی کو مخاطب کرتے ہوئے لکھا ہے کہ آپ ایک ایماندار انسان ہیں اور یہی آپ کو ہمت دیتی ہے۔

انہوں نے لکھا ہے کہ میں کسی کو نہیں جانتی جو آپ کی طرح اپنے آپ کو اندھیرے سے اُٹھا کر روشنی میں لاسکے۔

اداکارہ نے شوہر کی تعریف میں لکھا کہ آپ ایک بہترین انسان ہیں، آپ بےخوف ہیں اور میں چیخ چیخ کر دنیا کو بتانا چاہتی ہوں کہ آپ کتنے حیرت انگیز انسان ہیں ۔

اُنہوں نے یہ بھی لکھا کہ خوش قسمت ہیں وہ لوگ جو واقعی آپ کو جانتے ہیں، ہر چیز کو روشن اور خوبصورت بنانے کے لیے آپ کا شکریہ۔