بالی وڈ کے دنبگ ہیرو سلمان خان کی فلم ’ٹائیگر 3‘ کی شوٹنگ ایک بار پھر ملتوی کردی گئی ہے۔

اس حوالے سے جاری ررپورٹس میں بتایا گیا ہے کہ  اداکار  کی فلم میں شاہ رخ خان ایک مختصر کردار کرینگے لیکن انہوں نے فی الحال کام سے بریک لیتے ہوئے شوٹنگ ملتوی کرنے کی درخواست کی ہے۔

اداکار شاہ رخ خان اپنے بیٹے آریان کی ضمانت کے بعد کچھ وقت اپنے گھروالوں کے ساتھ گزارنے کے خواہشمند ہیں جس کی وجہ سے وہ ابھی کوئی کام کرنے کا ارادہ نہیں رکھتے ہیں۔

یاد رہے کہ سلمان خان نے شاہ رخ خان سے سچی دوستی کا ثبوت دیتے ہوئے اپنی فلم ’’ٹائیگر3‘‘کی شوٹنگ بھی ملتوی کردی تھی اور اب بھی بطور دوست سلمان خان نے شاہ رخ خان کی درخواست قبول کرتے ہوئے شوٹنگ کا سخت شیڈول ایک بار پھر دسمبر تک بڑھادیا ہے۔

خیال رہے کہ  سلمان خان اور شاہ رخ خان ایک دوسرے کی فلموں ’’ٹائیگر3‘‘ اور ’’پٹھان‘‘ میں کیمیو یعنی مختصر کردار ادا کررہے ہیں۔