پاکستان شوبز انڈسٹری کی معروف اداکارہ یمنیٰ زیدی کا نیا فوٹو شوٹ سوشل میڈیا پر مقبول ہو گیا ہے۔

اداکارہ نے فوٹو اینڈ ویڈیو شیئرنگ ایپ انسٹا گرام پر اپنے نئے برائیڈل شوٹ کی دلکش تصاویر شیئر کی ہیں۔

یمنیٰ زیدی کی جانب سے شیئر کی گئی تصاویر میں دیکھا جاسکتا ہے کہ وہ گلابی رنگ کا عروسی لباس زیب تن کی ہوئی ہیں۔

اداکارہ نے کچھ دیر قبل ہی اپنی تصاویر پوسٹ کی ہیں جسے اب تک 50 ہزار سے زائد لائیکس آچکے ہیں اور تعریفی کامنٹس کا سلسلہ بھی جاری ہے۔

اس سے قبل یمنیٰ زیدی نے فوٹو اینڈ ویڈیو شیئرنگ ایپ انسٹا گرام پر اپنے نئے برائیڈل شوٹ سے لی گئیں دلکش تصاویر شیئر کی تھیں۔

شیئر کی گئی ان تصاویر میں اداکارہ گولڈن رنگ کا عروسی لباس زیب تن کی ہوئی تھیں۔

اداکارہ نے جوڑے کے ساتھ گولڈن رنگ کے ہی زیورات پہنے ہوئے تھے جو کہ اُن کی خوبصورتی میں مزید اضافہ کر رہے تھے۔

یمنیٰ زیدی نے اپنی پوسٹ کے کیپشن میں اپنے آنے والے نئے پروجیکٹ سے بھی آگاہ کیا۔

واضح رہے کہ یمنیٰ زیدی انسٹاگرام پر کافی متحرک رہتی ہیں، وہ اپنی تصاویر اور پیغامات انسٹاگرام پر پوسٹ کرتی رہتی ہیں جس کی وجہ سے ان کے چاہنے والوں کی تعداد میں مسلسل اضافہ ہورہا ہے۔