بھارت کے لیجنڈری اداکار امیتابھ بچن نے اکشے کمار کو فلم سینز سے متعلق ایک مفید مشورہ دے دیا۔

حال ہی میں فلم سوریاونشی میں مرکزی کردار نبھانے والے اداکار اکشے کمار معاون اداکار کترینہ کیف اور فلم ساز روہیت شیٹی نے پروگرام کون بنے گا کروڑ پتی میں شرکت کی۔

شو کے دوران فلم کا ایک سین اسکرین پر دکھایا گیا جس میں اکشے کمار ہیلی کاپٹر کے ریمپ پر لٹک گئے جبکہ اس کے لئے انہوں نے حفاظتی رسی کا استعمال بھی نہیں کیا۔

امیتابھ بچن اس اسٹنٹ سے بہت مرعوب ہوئے لیکن انہوں نے اداکار اکشے کمار کو مشورہ دیا کہ وہ آئندہ اس طرح سے فلم کے اسٹنٹ نہ کریں۔