بالی ووڈ مسٹر پرفیکٹ عامر خان کی نئی آنے والی فلم لال سنگھ چڈھا ایک بار پھر تاخیر کا شکار ہوگئی۔

عامر خان کے پروڈکشن ہاؤس کے آفیشل انسٹاگرام اکاؤنٹ نے اس فلم کا نیا پوسٹر شیئر کرتے ہوئے لکھا کہ ہمیں اپنے نئے پوسٹر اور اپنی نئی ریلیز کی تاریخ کا اعلان کرتے ہوئے خوشی ہے۔

اس پوسٹر پر فلم کی ریلیز کی نئی تاریخ 14 اپریل 2022 بتائی گئی ہے۔

دوسری جانب اداکارہ کرینہ کپور خان نے بھی یہی پوسٹر اپنے انسٹاگرام اکاؤنٹ پر شیئر کیا ہے۔

واضح رہے کہ اداکارہ کرینہ کپور اس فلم میں عامر خان کے ساتھ مرکزی کردار ادا کرتے ہوئے نظر آئیں گی۔

 یہ فلم گزشتہ سال کرسمس کے موقع  پر ریلیز ہونے والی تھی تاہم کورونا وائرس کی وجہ سے عامر خان اور ان کی پروڈکشن ٹیم نے اسے رواں سال  کرسمس کے موقع پر ریلیز کرنے کا فیصلہ کیا تھا لیکن اب یہ فلم تیسری بار تاخیر کا شکار ہوئی ہے۔