پاکستان کے معروف میزبان و اداکار فہد مصطفٰی نے ترکی میں گزارے یادگار لمحات کو سوشل میڈیا پر شیئر کردیا۔

اداکار کی جانب سے فوٹو اینڈ ویڈیو شیئر نگ ایپ انسٹاگرام پر ترکی میں لی گئی اپنی چند دلکش تصاویر شیئر کی گئی ہیں۔

تصاویر شیئر کرتے ہوئے پوسٹ کے کیپشن میں انہوں نے لکھا کہ ایک دفعہ کا ذکر ہے کہ میں استنبول میں تھا۔

فہد مصطفیٰ کی تصاویر کو ان کے ساتھی اداکاروں کے ساتھ ساتھ سوشل میڈیا صارفین کی جانب سے بھی بہت پسند کیا جارہا ہے۔

اداکار کی اس پوسٹ کو اب تک 68 ہزار سے زائد لوگ لائیک کرچکے ہیں جبکہ مداحوں کی جانب سے مختلف تبصروں کا سلسلہ بھی جاری ہے۔