بالی ووڈ کے سلطان سلمان خان نے کترینہ کیف کی شادی کے لئے فلم ٹائیگر تھری کی شوٹنگ روک دی۔

بھارتی میڈیا میں بالی ووڈ کی باربی ڈول کترینہ کیف کی اداکار وکی کوشل سے شادی کی خبریں زیرگردش ہیں۔

بتایا جارہا ہے کہ دیوالی کے موقع پر دونوں نے نامور ہدایت کار کبیر خان کے گھر پر منگنی کرلی اور عنقریب دسمبر میں راجھستان میں شادی کے بندھن میں بندھ جائیں گے۔

اس خبر کے بعد سلمان خان نے بھی فلم ٹائیگر تھری کی شوٹنگ ملتوی کردی اور فلم کی شوٹنگ کرینہ کی شادی کے بعد جنوری میں دوبارہ سے شروع کی جائے گی۔

دوسری جانب سلمان خان نے شاہ رخ خان کے ساتھ فلم پٹھان کی شوٹنگ بھی ملتوی کردی کیوںکہ شاہ رخ خان اپنے بیٹے آریان خان کی جیل سے رہائی کے بعد اپنا سارا وقت فیملی کے ساتھ گزارنا چاہتے ہیں۔

واضح رہے سلمان خان ان دنوں اپنی نئی فلم اینتم کی پروموشن میں مصروف ہیں جو رواں ماہ سینما گھروں کی زینت بنے گی۔