معروف پاکستانی اداکارہ حمائمہ ملک نے کہا ہے کہ میں نے موت کو انتہائی قریب سے دیکھا ہے۔

حمائمہ ملک نے انسٹاگرام پر اپنی تصاویر شیئر کی ہیں جس میں انہیں اسپتال کے بیڈ پر دیکھاجاسکتا ہے۔

اس پوسٹ کو شئیر کرتے ہوئے انہوں نے بتایا کہ حال ہی میں ان کی اپینڈکس کی کامیاب سرجری ہوئی ہے۔

اداکارہ نے بتایا کہ انہوں نے استنبول کے اسپتال میں 22 گھنٹے ریپچر اپینڈکس کی وجہ سے گزارے۔

اداکارہ نے لکھا کہ میرے رب نے مجھے نئی زندگی دی ہے جس پر انہوں نے اللہ کا شکریہ بھی ادا کیا۔

حمائمہ ملک نے لکھا کہ اس سارے واقعے میں، میں نے موت کو انتہائی قریب سے دیکھا ہے۔

انہوں نے لکھا کہ برائے مہربانی اپنے اور چاہنے والوں کے لئے دعا کرتے رہیں، نظر چلتا پھرتا بندہ مار سکتی ہے پیار سے دیکھو خدا سے ہر کسی کی خیر مانگو اللہ کسی کو حسد کی نظر نہ لگائے۔

واضح رہے کہ گزشتہ ہفتے حمائمہ ملک نے ترکی کے شہر استنبول میں ہونے والے انٹرنیشنل پاکستان پرسٹیج ایوارڈز (آئی پی پی اے) کی تقریب میں اپنے جلوے بکھیرے تھے۔