اسلام کی خاطر شوبز چھوڑنے والی ثناء خان نے شادی کی پہلی سالگرہ پر اپنے شوہر مفتی انس سید کے لئے محبت بھرا پیغام جاری کر دیا۔

ثناء خان نے فوٹو اینڈ ویڈیو شئیرنگ ایپ انسٹاگرام پر ایک پوسٹ شئیر کرتے ہوئے اپنے شوہر انس سید کو شادی کی پہلی سالگرہ کی مبارکباد  دی ہے۔

انہوں نے یہ پوسٹ شئیر کرتے ہوئے اپنے شوہر کے لئے پیار بھرا پیغام تحریر کیا اور کہا کہ میں آپ کے لئے ایسے ہی دعا کرتی ہوں جیسے میں اپنے لئے کرتی ہوں کیونکہ میں جو اپنے لئے چاہتی ہوں وہی آپ کے لئے بھی چاہتی ہوں۔

ثناء خان نے لکھا کہ آپ مجھے اللّٰہ کے نزدیک لے جاتے ہیں گناہوں کے قریب نہیں، آپ بہت اچھے ہیں۔

انہوں نے اپنی خواہش کا اظہار کیا کہ وہ روضہ رسولﷺ کی زیارت کا بے صبری سے انتظار کر رہی ہیں۔