پاکستانی اداکارہ اقراء عزیز کا نیا فوٹو شوٹ سوشل میڈیا پر وائرل ہوگیا ہے۔

اقراء عزیز نے فوٹو اینڈ ویڈیو شیئرنگ ایپ انسٹاگرام پر اپنی کچھ تصاویر پوسٹ کی ہیں جسے مداحوں کی جانب سے بہت پسند کیا جارہا ہے۔

شئیر کی گئی تصاویر میں دیکھا جاسکتا ہے کہ اداکارہ نے مہرون رنگ کا لباس پہنا ہوا ہے جس میں اقراء بے حد خوبصورت لگ رہی ہیں۔

اقراء عزیز نے کچھ دیر پہلے ہی یہ تصاویر اپنے اکاؤنٹ پر شئیر کی ہیں جسے اب تک 2 لاکھ سے زائد لوگ پسند کرچکے ہیں۔

اس سے قبل اقراء عزیز اپنے شوہر اداکار یاسر حسین کے ساتھ پاکستان سے دبئی پہنچی تھیں اور دورانِ سفر وہ اپنا فون جہاز میں بھول گئی تھیں۔

اداکارہ نے انسٹا اسٹوری پر اماراتی ایئرلائن سے اپنا فون دوبارہ واپس حاصل کرنے کے لئے مدد کی اپیل کی تھی۔

انہوں نے لکھا کہ وہ اپنا فون جہاز میں بھول گئی ہیں اور اب انہیں دو راتوں تک دبئی میں ہی رہنا ہے اور انہیں اپنے بیٹے کی بہت یاد آرہی ہے۔

انہوں نے متعلقہ ایئرلائن سے مخاطب ہوتے ہوئے لکھا کہ کیا وہ اداکارہ کی مدد کرسکتے ہیں۔