پاکستان کے معروف گلوکار و سابق میوزک بینڈ اسٹرنگز کے ممبر بلال مقصود نے اپنا مشہور گانا سر کیے یہ پہاڑ  لکھنے کی اصل وجہ بتادی۔

معروف گلوکار نے حال ہی میں ایک ویب شو میں بطور مہمان شرکت کی۔

شو کے دوران انہوں نے یہ انکشاف کیا کہ شادی سے قبل اسٹرنگز کا مشہور گانا سر کیے یہ پہاڑ اپنی بیوی ٹینا کے لئے لکھا تھا۔

بلال مقصود نے بتایا کہ یہ گانا اس انسان کے لئے لکھا تھا جس سے میں شادی کرنا چاہتا تھا۔

گلوکار نے بتایا کہ اس گانے کے میوزک ویڈیو کے پس منظر میں کروما پر استعمال ہونے والے شیلز بھی ٹینا کی کلیکشن سے تھے ۔

بلال مقصود نے بتایا کہ اس  ویڈیو کے لئے ٹینا کے کچھ شیلز ادھار لئے تھے لیکن وہ اصل وجہ نہیں جانتی تھیں کہ وہ ان سے شیلز کیوں ادھار لے رہے ہیں۔