پاکستان ڈرامہ انڈسٹری کی سینئر اداکارہ صبا فیصل کے بیٹے اور اداکار سلمان فیصل کے ہاں پہلے بیٹے کی پیدائش ہوئی ہے۔

اداکار نے فوٹو اینڈ ویڈیو شیئرنگ ایپ انسٹاگرام پر ایک خوبصورت تصویر شیئر کی جس میں اُنہوں نے اپنے نومولود بیٹے کا ہاتھ تھاما ہوا ہے۔

سلمان فیصل نے بتایا کہ اللّہ تعالیٰ نے اُنہیں بیٹے کی نعمت سے نوازا ہے، جس کا نام اُنہوں نے چوہدری روہان سلمان رکھا ہے۔

اداکارہ صبا فیصل نے بیٹے کی اس پوسٹ پر کمنٹ کرتے ہوئے کہا کہ ہمارے خاندان کا چشم و چراغ آگیا ہے۔

واضح رہے کہ صبا فیصل کے بیٹے سلمان فیصل کی شادی دو سال قبل نیہا ملک سے ہوئی تھی۔

گزشتہ دنوں سوشل میڈیا پر ان کی طلاق کے حوالے سے خبریں زیرِگردش تھیں جس کے بعد سلمان فیصل نے ان تمام خبروں کی تردید کردی تھی۔