پاکستان کی معروف اداکارہ سارہ خان نے اپنے شوہر فلک کے پھول دینے کی اصل وجہ بیان کردی ہے۔

 حال ہی میں اداکارہ نے اپنے ایک انٹرویو میں بتایا ہے کہ ان کے شوہر پھول دے کر اپنی محبت کا اظہار کرتے ہیں۔

سارہ خان نے کہا ہے کہ فلک کا مجھے پھول دینا ان کی محبت دکھانے کا ایک طریقہ ہے جبکہ وہ ایک معمولی سی چیز ہے ۔

انہوں نے بتایا ہے کہ فلک کے دیئے گئے پھول کی وجہ سے ان کا پورا دن بہت اچھا گزرتا ہے لیکن جب کبھی ایسا نہیں ہوتا ہے تو کچھ ادھورا سا لگتا ہے۔

انٹرویو کے دوران ایک سوال کے جواب میں اداکارہ کا کہنا تھا کہ ہمیشہ مردوں کا منفی چہرہ ہی پیش کیا جاتا ہے لیکن ایسا نہیں ہے کیونکہ فلک جیسے شوہر بھی دنیا میں موجود ہیں۔

انہوں نے بتایا کہ ہم اپنے مداحوں سے کچھ بھی نہیں چھپاتے ہیں اور اپنے ہر اچھے لمحے کو ان کے ساتھ ضرور شیئر کرتے ہیں ۔

واضح رہے کہ یہ جوڑی گزشتہ برس شادی کے بندھن میں بندھے تھی اور ان کا شمار پاکستان شوبز انڈسٹری کی خوبصورت جوڑیوں میں ہوتا ہے۔

خیال رہے کہ گزشتہ ماہ ان کے ہاں بیٹی کی پیدائش ہوئی تھی جس کا نام انہوں نے عالیانہ رکھا تھا۔