بھارتی اداکار سیف علی خان رواں سال متعدد پراجیکٹس پر کام کر رہے ہیں جس میں سے کافی پراجیکٹس کامیاب بھی رہے ہیں۔

اداکار کی فلم ’بنٹی اور ببلی2‘ کی رونمائی آج کی جائیگی جس میں وہ معروف اداکارہ رانی مکھرجی کے ساتھ نظر آئیں گے۔

دیگر اداکاروں کی طرح سیف علی خان بھی اپنے کام کے حوالے سے کافی سنجیدہ نظر آتے ہیں اور ہر کردار کو بخوبی نبھانے کے لئے بہت محنت بھی کرتے ہیں۔

لیکن اس بار ان کا کردار بہت مخلتف ہے جو ایک اڈھیر عمر کے ناخوش انسان کا ہے جبکہ ذاتی زندگی میں اداکار بہت شوخ مزاج کے ہیں۔

اس کردار کے حوالے سے بات کرتے ہوئے سیف علی خان نے بتایا ہے کہ  فلمی کردار میں ڈھلنے کے لیے حقیقی زندگی میں اُن عادات کو اپنانا شروع کردیا ہے۔

انہوں نے بتایا ہے کہ یہ کردار ان کے لئے بہت مشکل ہے اسی لئے اسکی تیاری حقیقی زندگی میں بھی شروع کردی ہے تاکہ کردار کو اچھی طرح ادا کرسکیں۔

سیف علی خان نے کہا کہ اس کردار کے لیے میں نے کھانے پینے میں بہت زیادہ احتیاط، باقاعدہ ورزش اور جم جوائن کیا تاکہ مٹاپے کو کم کرسکوں۔