پاکستانی اداکار و گلوکار علی ظفر کو ٹی 20 ورلڈ کپ 2021 کے سیمی فائنل کے لئے کوالیفائی کرنے کے بعد ایونٹ میں سامنے آنے والی صورتحال نے 1992 کے ورلڈ کپ کی یاد دلا دی۔

گلوکار  نے ٹوئٹر پر ٹی 20 ورلڈکپ کے لئے اپنے جوش و خروش کا اظہار کرتے ہوئے لکھا کہ میرے علاوہ اور کون ہے جو پاکستان اور انگلینڈ کا فائنل ہوتے اور تاریخ کو اپنے آپ کو دہراتے ہوئے دیکھ رہا ہے؟

Does anyone else see a Pakistan-England final and history repeat itself ? #T20WorldCup21 #Pakistan #ENGLAND

— Ali Zafar (@AliZafarsays) November 3, 2021

واضح رہے کہ میلبورن کرکٹ گراؤنڈ جو اپنی طویل باؤنڈری کی وجہ سے دنیائے کرکٹ میں شہرت رکھتا ہے، سابق کپتان اور موجودہ پاکستانی وزیراعظم عمران خان کی قیادت میں پاکستان نے انگلینڈ کو 22 رنز سے شکست دے کر کرکٹ کا عالمی چیمپئن بننے کا اعزاز حاصل کیا تھا۔

پانچواں ورلڈ کپ آسٹریلیا اور نیوزی لینڈ کی مشترکہ میزبانی میں 22 فروری 1992 سے شروع ہوا اور 25 مارچ 1992 تک جاری رہا تھا۔

یاد رہے کہ پاکستان کرکٹ ٹیم رواں ایونٹ میں سیمی فائنل میں کوالیفائی کر کے پانچویں مرتبہ ٹی20 ورلڈکپ کا سیمی فائنل کھیلنے والی پہلی ٹیم بن گئی ہے۔