پاکستان کی نامور اداکارہ مہوش حیات نے انڈسٹری میں بحیثیت عورت کیا کچھ حاصل کیا ہے اور کتنا کچھ سیکھا اس سے متعلق ایک ویڈیو بنائی ہے۔

اداکارہ و ماڈل نے اپنے سوشل میڈیا اکاؤنٹ پر اپنے شوبز کیریئر پر مبنی ایک مختصر سی ویڈیو شیئر کی ہے۔

اس ویڈیو میں دیکھا جاسکتا ہے کہ مہوش حیات نے شوبز انڈسٹری کی ابتداء سے اب تک کے سفر کو مختصر سی ویڈیو میں قید کیا ہے۔

اس شعبے سے منسلک ہوتے ہوئے انہوں نے بندوق چلانے کی تجربہ حاصل کیا جبکہ اس انڈسٹری میں اپنی صلاحیتوں سے بہت نام بھی کمایا ہے۔

واضح رہے کہ اداکارہ و ماڈل مہوش حیات اب چھوٹی اسکرین پر نظر نہیں آتی ہیں جس کے متعلق بات کرتے ہوئے ان کا کہنا تھا کہ پاکستان میں اچھی اسکرپٹ کا فقدان ہے۔

مہوش حیات نے مزید کہا تھا کہ پاکستانی ڈرامہ انڈسٹری کے تمام ڈراموں کی کہانی تقریباً ایک جیسی ہی ہوتی ہے جس میں عورت کو ظلم کا نشانہ بنایا جاتا ہے۔

اداکارہ نے نشاندہی کرتے ہوئے واضح کیا کہ کوئی اچھی اسکرپٹ کی پیشکش کی گئی تو اس پر ضرور کام کرنا پسند کرونگی۔