عالمی شہرت یافتہ گلوکارہ شکیرا نے اپنے نئے ڈانس شو کے آغاز کا اعلان کردیا ہے۔

گلوکارہ جلد این بی سی (NBC) کے اشتراک سے ڈانس مقابلے کے لئے ڈانسنگ ود مائی سیلف کے نام سے آغاز کرنے والی ہیں۔

گلوکارہ نے فوٹو اینڈ ویڈیو شئیرنگ ایپ انسٹاگرام پر ایک ویڈیو شئیر کی ہے۔

شکیرا کا اس شو کے بارے میں کہنا ہے کہ وہ ڈانس کے مقابلے کا حصہ بننے کے لئے پرجوش ہیں جو تخلیقی صلاحیت کو اتنی زیادہ اہمیت دیتا ہے کہ ایک ذاتی اظہارمیں ڈھل جاتا ہے اور یہ ایک کمیونیٹی ہونے کا احساس دلانے میں تعاون فراہم کرتا ہے۔

انہوں نے کہا کہ وہ ذاتی طور پر ایسے ٹیلنٹ سے متاثر ہوئی ہیں جو انہوں نے سوشل میڈیا کے ذریعے دیکھا ہے۔

گلوکارہ نے کہا کہ رقص ان کی پوری زندگی میں ایک ناقابل یقین حد تک قوی قوت رہا ہے اور وہ دنیا کو یہ دکھانے کے لئے بے چین ہیں کہ یہ کتنا بااختیار اور تفریحی ہو سکتا ہے۔

واضح رہے کہ اس شو میں ہر ہفتے ڈانسرز کے نئے گروپس کو ڈانس چیلنجز کی ایک سیریز میں مقابلہ کرنے کے لئے مدعو کیا جائے گا۔

اس شو میں ڈانس کی کوریوگرافی  بشمول شکیرا شو کے مشہور تخلیق کاروں نے کی ہے۔