اداکارہ کرینہ کپور کے بعد بالی وڈ کے نامور ہدایتکار اور پروڈیوسر کرن جوہر اور ان کے گھروالوں نے بھی کورونا وائرس کا ٹیسٹ کروالیا ہے۔

کرن جوہر نے اپنے سوشل اکاؤنٹ کی اسٹوری پر ایک پوسٹ شیئر کی ہے جس میں کورونا ٹیسٹ کے حوالے سے بات  کی گئی ہے۔

کرن جوہر نے اس پوسٹ کے ذریعے اپنے مداحوں اور چاہنے والوں کو بتایا ہے کہ وہ اور ان کی فیملی کورونا وائرس سے پوری طرح محفوظ ہیں۔

انہوں نے واضح کیا ہے کہ ان سمیت گھروالوں کا کورونا ٹیسٹ 2 مرتبہ کروایا گیا ہے اور ہر بار ٹیسٹ کی رپوٹس منفی آئی ہیں۔

کرن جوہر نے اپنے پیغام میں گزشتہ ہفتے ہونے والی ’گرلز پارٹی‘ کے حوالے سے کہا ہے کہ صرف 8 افراد کے ملنے کو پارٹی کا نام دینا نامناسب سی بات ہے۔

کرن جوہر نے اپنے پیغام میں سرکار کا شکریہ بھی اداکا کیا جو کہ شہریوں کی صحت کے لئے اقدامات کر رہی ہے۔

انہوں نے کہا ہے کہ باقاعدہ طور پر ماسک پہننااور کورونا کے قوائد فالو کرنا ہم سب شہریوں کی ذمہ داری اور اہم فریضہ ہے اور ہم سب کو اس کا خیال رکھنا چاہیئے۔