بالی وڈ اداکارہ انوشکا شرما نے میڈیا اور دیگر پاپارازی کا شکریہ ادا کرتے ہوئے ایک پوسٹ شیئر کی ہے۔

حال ہی میں اداکارہ انوشکا شرما نے اپنے سوشل اکاؤنٹ کی اسٹوری پر ایک پوسٹ جاری کی ہے جس میں میڈیا کا شکریہ ادا کیا گیا ہے۔

اس پوسٹ میں دیکھا جاسکتا ہے کہ اداکارہ انوشکا شرما نے میڈیا کو کس وجہ سے شکریہ ادا کیا ہے۔

انوشکا شرما نے اپنے پوسٹ میں لکھا ہے کہ ’ہم نے بطور والدین  وامیکا کی لی جانے والی تصاویر منظر عام پر  نہ لانے کی درخواست کی تھی جسے پورا کیا گیا ہے۔‘

انہوں نے کہا کہ ’ہم نہیں چاہتے ہیں کہ وامیکا کو منظر عام پر لایا جائے لیکن کسی نا کسی صورت وہ لوگوں کی نظروں میں آجاتی ہے۔‘

اداکارہ نے کہا ہے کہ میں اپنے تمام فینز اور میڈیا کے لوگوں کا شکریہ ادا کرنا چاہتی ہوں کہ جنہوں نے ہماری درخواست پر  وامیکا کی تصاویر کو سوشل میڈیا پر پوسٹ نہیں کی اور آگے بھی توقع کرتے ہیں کہ ایسا ہی ہوگا۔

اداکارہ نے مزید کہا کہ ہر ایک کو اپنی زندگی اپنی مرضی کے مطابق گزارنے کا حق ہے اور ہم امیڈ کرتے ہیں کہ ہمراے فینز اور فالوورز ہماری پرائیوسی اور ذاتی زندگی کا خیال رکھیں گے۔