سنیتا مارشل اور حسن احمد دونوں کا شمار پاکستان کے نامور اداکاروں میں کیا جاتا ہے، ان دونوں نے بہت کم ڈراموں میں کام کیا اوراپنی بہترین اداکاری سے لوگوں کے دلوں میں اپنا ایک خاص مقام بنانے میں کامیاب رہے۔

سنتیا مارشل نے اپنے کیریئر کا آغازماڈلنگ سے کیا اور پھر اداکاری کی جانب رخ کیا، حسن کو سنیتا کا حسن اور سادگی بھا گئی اور انہوں نے پہلے دوستی اور پھر شادی کرلی، واضح رہے کہ سنیتا عیسائی مذہب سے تعلق رکھتی ہیں جبکہ ان کے بچے مسلمان ہیں۔

سنیتا اور حسن کی شادی کو ایک دہائی سے زیادہ کا عرصہ گزرچکا ہے اور یہ خوبصورت جوڑا سوشل میڈیا پر بہت کم متحرک نظر آتاہے۔ حال ہی میں ان دونوں نے اپنی فیملی اور دوستوں کے ساتھ سری لنکا میں وقت گزارا اور ان کی تصاویرسوشل میڈیا پر اپنے مداحوں کے ساتھ شیئر کیں۔