بھارتی گلوکار سونو نگم نے اپنے بیٹے نیوین کو بھارت سے باہر بھیجنے کی وجہ بتادی۔

سونو نگم نے اس بات کا اعتراف کیا تھا کہ بطور والدین انہوں نے اور ان کی اہلیہ نے سوچا تھا کہ بیٹے کے لئے ایک عام بچے جیسا بچپن بھارت سے باہر ہی ہے۔

انہوں نے کہا کہ بطور والدین اہم نہیں چاہتے تھے کہ بچے کا بچپن برباد ہو۔

بھارتی گلوکار نے اپنے بیٹے کے لئے ایک تحریر لکھتے ہوئے کہا کہ ان کے بیٹے کو اسی وقت شہرت مل گئی تھی جب اس نے 4 سال کی عمر میں دھنوش کا گانا کولاویری گایا تھا۔

انہوں نے کہا کہ ہم چاہتے تھے کہ اس کا بچپن عام بچوں جیسا ہو اس کے دوست ہوں اور یہ کسی شوٹ یا پارٹی میں نہ جائے اس لئے ہم نے اسے دبئی میں رہنے کے لئے بھیجا جہاں وہ تعلیم بھی حاصل کرے۔

سونو نگم کا کہنا تھا کہ میں چاہتا تھا کہ میرا بیٹا بھارت سے باہر جاکر پڑھے لیکن وہ ملک بھارت سے زیادہ دور بھی نہ ہو۔