وسیم اکرم کی اہلیہ اور سماجی کارکن شنیرا اکرم کو کراچی میں غروب آفتاب کے مناظر بھاگئے۔

شنیرا نے اپنے آفیشل انسٹا گرام اکاؤنٹ پر اپنی بیٹی عائلہ اکرم کے ہمراہ ایک تصویر شیئر کی ہے ۔

شیئر کی گئی تصویر میں انہوں نے لکھا کہ کراچی کے غروبِ آفتاب کے مناظر بہت دلکش ہوتے ہیں۔

تصویر میں شنیرا اپنی بیٹی کے ساتھ خوبصورت حسین نظارے سے لطف اندوز ہورہی ہیں۔

سابق قومی کرکٹر وسیم اکرم کی اہلیہ شنیرا اکرم طویل عرصے کے بعد پاکستان آئی ہیں۔

واضح رہے کہ آسٹریلوی حکومت نے کورونا وائرس کے بڑھتے کیسز کے پیش نظر آسٹریلیا کے بارڈرز بند کیے ہوئے تھے جس کی وجہ سے شنیرا اور اُن کی بیٹی عائلہ گزشتہ سال سے آسٹریلیا میں پھنسی ہوئی تھیں جبکہ اُن کے شوہر وسیم اکرم پاکستان میں ہی موجود تھے۔

یاد رہے کہ وسیم اکرم لیجنڈری آل راؤنڈر اور سابق کپتان کے طور پر جانے جاتے ہیں، انہوں نے 1992 میں آل راؤنڈ کارکردگی کے ذریعے انگلینڈ کی ٹیم کے خلاف فائنل میں پاکستان کی مدد کی تھی اور اس کے بعد پاکستان کو میچ جیتوا کر چیمپئن کا ٹائٹل اپنے نام کیا تھا۔

سابق کپتان نے 1995 میں ہما مفتی سے شادی کی تھی اور دونوں کے دو بیٹے بھی ہیں لیکن بدقسمتی سے ان کی اہلیہ 2009 میں زندگی کی بازی ہار گئیں ،انہوں نے دوسری شادی 2013 میں شنیرا تھامسن نامی آسٹریلوی لڑکی سے کی اور اس جوڑے کی ایک بیٹی ہے۔