پاکستان کے معروف اداکار و سپر ماڈل عمران عباس کی والدہ گزشتہ روز انتقال کرگئیں۔

عمران عباس نے اس خبر کا اعلان انسٹا گرام اکاؤنٹ کے ذریعے دیا تھا۔

انہوں نے اپنی والدہ کا پاؤں چومتے ہوئے ایک تصویر شئیر کی تھی۔

اداکار کی اس پوسٹ کو پڑھتے ہی ان کے لاکھوں مداح غمگین ہوگئے اور اس ہی کے ساتھ  پاکستان شوبز انڈسٹری کی معروف شخصیات نے بھی تعزیت کا اظہار کیا اور اُن کی والدہ کے لئے اگلے جہان کے سفر کے لئے دعائیں کیں ۔

اداکارہ مشال خان کا لکھنا تھا کہ وہ بہت دعائیں کر رہی ہیں، وہ دعا کرتی ہیں کہ اللّٰہ، آپ کی والدہ کو جنت میں اونچے مقام سے نوازے۔

اداکارہ صنم جنگ نے کہا کہ اللّٰہ آپ کو صبر اور والدہ کو جنت میں اعلیٰ مقام دے۔

دوسری جانب سجل علی نے لکھا کہ عمران مضبوط رہو، اللّٰہ تعالیٰ آپ کی والدہ کو جنت الفردوس میں اعلیٰ مقام عطا کرے، آمین۔

عمران عباس کی اس پوسٹ پر کمنٹ کرنے والوں میں نادیہ حسین، مشال خان، سجل علی، صنم جنگ، سنیتا مارشل اور صرحا اصغر سرفہرست ہیں۔

واضح رہے کہ عمران عباس کی والدہ گزشتہ روز انتقال کر گئیں۔

اداکار عمران عباس نے اپنے سوشل میڈیا اکاؤنٹ پر اپنی والدہ کے حوالے سے ایک خوبصورت تصویر کے ساتھ پیغام بھی جاری کیا تھا۔

اداکار نے اپنے پیغام میں لکھا تھا کہ میں اپنی ماں کے پاؤں اب نہیں چوم سکوں گا کیونکہ آج میں نے اپنی ماں، اپنی جنت کو کھو دیا ہے۔

اداکار نے اپنے پیغام میں مزید بتایا کہ 2 سال قبل اسی دن میں نے اپنے والد کو کھویا تھا اور آج میری ماں بھی مجھے چھوڑ کر چلی گئیں ہیں۔

عمران عباس نے اپنی ایک پوسٹ میں بتایا تھا کہ ان کا سب کچھ ان کی ماں ہیں جن سے وہ بے انتہا محبت بھی کرتے ہیں۔

اداکار نے اپنے مداحوں اور چاہنے والوں سورۃ فاتحہ پڑھنے اور دعائے مغفرت کرنے کی درخواست کی ہے۔