بھارتی اداکارہ پریانکا چوپڑا نے اپنی ہی ایک تصویر پر دلچسپ تبصرہ کردیا۔

سیٹادل کے کریو ممبر مائیکل ووڈ کی جانب سے فوٹو اینڈ ویڈیو شئیرنگ ایپ انسٹاگرام پر پریانکا چوپڑا کی ایک تصویر شیئر کی گئی ہے۔

شئیر کی گئی تصویر میں انہیں درخت کے ساتھ چہرے کو لگائے ہوئے دیکھا جاسکتا ہے۔

اس پوسٹ پر پریانکا چوپڑا نے تبصرہ کیا کہ یہ میرے لئے بہت زیادہ اہمیت کی حامل ہے لیکن ساتھ میں انہوں نے مائیکل ووڈ کو ٹیگ کرتے ہوئے لکھا کہ یہ تصویر مجھے مارتی ہے۔

اس سے قبل  پریانکا چوپڑا نے  سیریز سیٹادل کی شوٹنگ کے اختتام پر چند تصاویر شیئر کی تھیں۔

واضح رہے کہ بالی ووڈ اداکارہ پریانکا چوپڑا نے اپنے اداکاری کے کیریئر کے آغاز سے پہلے ایک ماڈل کے طور پر کام کیا تھا۔

انہوں نے اپنی اداکاری کا آغاز 2002 کی تامل فلم سے کیا تھا اور اس کے بعد بھارت کی متعدد فلموں میں اپنی اداکاری کے جلوے بکھیرے۔

 اداکارہ نے 2000 میں مس ورلڈ کا ٹائٹل جیتنے کے بعد شہرت حاصل کی۔

یاد رہے کہ پریانکا چوپڑا اور امریکی گلوکار نک جونس نے دسمبر 2018 میں شادی کی تھی اور ان کی شادی ہندو رسم ورواج اور عیسائی عقیدے کے مطابق ہوئی تھی۔