پاکستان کی نامور اداکارہ سجل علی کی جانب سے اداکار احمد علی اکبر کے لئے تعریفی پیغام جاری کیا گیا ہے۔

حال ہی میں معروف اداکارہ سجل علی نے ’پریزاد‘ ڈرامے میں اداکار  احمد علی اکبر کی بہترین اداکاری کی تعریف کی ہے۔

اداکارہ نے کہا ہے کہ “احمد علی اکبر، آپ  نے کمال کا کام کیا ہے اور مجھے خوشی ہے کہ آپ نے یہ پروجیکٹ کیا کیونکہ آپ سے بہتر یہ کام کوئی نہیں کر سکتا تھا”۔

دوسری جانب اداکارہ اشنا شاہ نے بھی پری زاد ڈرامے میں احمد علی اکبر کے کردار کی بہت تعریف کی ہے۔

اداکارہ کا کہنا تھا کہ احمد علی اکبر اپنی اصل زندگی سے زیادہ اس ڈرامے میں اچھے لگے ہیں اور ان کا کردار انہیں وحید مراد کی یاد دلاتا ہے۔

اس سے قبل پاکستانی شوبز انڈسٹری سے تعلق رکھنے والے فہد مصطفیٰ نے بھی احمد علی اکبر کے نئے کردار کے حوالے سے ان کی خوب پذیرائی کی تھی۔