پاکستان کے معروف اداکار نعمان اعجاز نے بیٹے زاویار نعمان کو پاکستانی شوبز انڈسٹری میں کامیابی حاصل کرنے کے لئے ایک اہم نصیحت کردی۔

اداکار کی جانب سے اپنے آفیشل انسٹاگرام اکاؤنٹ پر نئے پراجیکٹ کے سیٹ سے ایک تصویر شیئر کی گئی ہے۔

شئیر کی گئی تصویر میں دیکھا جاسکتا ہے کہ نعمان اعجاز کے ہمراہ ان کا بیٹا زاویار نعمان بھی موجود ہے اور دونوں ہم شکل لگ رہے ہیں۔

اداکار نے یہ تصویر شیئر کرتے ہوئے لکھا کہ فالوورز کی تعداد انسان کو زیادہ اہم نہیں بناتی۔

نعمان اعجاز نے لکھا کہ ہٹلر کے پاس لاکھوں فالوورز تھے جبکہ حضرت عیسٰی کے پاس صرف 12 فالوورز تھے۔

واضح رہے کہ دونوں باپ بیٹا جلد ایک ساتھ ڈرامہ سیریل میں نظر آئیں گے ،سوشل میڈیا صارفین اداکار نعمان اعجاز کا بیٹے کے ساتھ پہلا پراجیکٹ دیکھنے کے لئے بے تابی سے انتطار کر رہے ہیں۔