پاکستان کی معروف اداکارہ ماہرہ خان سے متعلق سوشل میڈیا پر ایک پوسٹ میں کہا جا رہا ہے کہ وہ ہالی ووڈ اداکاراؤں کو کاپی کرتی ہیں۔

سوشل میڈیا کے مختلف پیجز پر ہالی ووڈ کی ایک اداکارہ اور ماہرہ خان کا کولاج وائرل ہو گیا ہے۔

اس تصویر میں دیکھا جاسکتا ہے کہ یہ دونوں اداکارائیں ایک جسے لباس میں نظر آرہی ہیں جس کے کیپشن میں لکھا گیا ہے کہ ماہرہ خان ہالی ووڈ کی کاپی کرتے ہوئے۔

اس تصویر کے وائرل ہوتے ہی ماہرہ خان کے مداحوں کی جانب سے سوشل میڈیا پر مختلف تبصرے کیے جارہے ہیں۔

کچھ سوشل میڈیا صارفین  ماہرہ خان پرتنقید کر رہے ہیں تو کچھ ان کی حمایت میں بول رہے ہیں۔

 ایک صارف نے کہا کہ ماہرہ ہالی ووڈ اداکاراؤں سے ہزار گنا بہتر اداکارہ ہیں۔

ایک اور صارف نے کہا کہ ماہرہ خان کا کسی ہالی ووڈ اداکارہ کے جیسا لباس پہننے پر اس طرح موازنہ کرنا درست نہیں۔

گزشتہ دنوں ماہرہ خان نے اپنے پہناوے کے بارے میں کھل کے اظہارِ خیال کیا تھا۔

 اداکارہ نے ایک انٹرویو میں انکشاف کیا تھا کہ وہ پہناوے کے معاملے میں بہت دقیانوسی خیالات کی مالک ہیں۔

ماہرہ خان کا کہنا تھا کہ وہ بچپن ہی سے اپنے پہناوے کے معاملے میں بہت دقیانوسی خیالات کی مالک ہیں، وہ شروع ہی سے ایسی ہیں، وہ نہیں جانتیں کہ ایسا کیوں ہے۔

انہوں نے کہا تھا کہ حالانکہ میں بیرون ملک بھی رہ چکی ہوں اور اگر چاہوں  تو ٹی شرٹ اور شورٹس پہن سکتی ہوں۔

ماہرہ خان کا کہنا تھا کہ اگر وہ اپنی ٹانگ کا ایک انچ حصہ بھی دکھا دیں تو لوگ ان سے نفرت کرنا شروع کر دیتے ہیں۔

اداکارہ کا کہنا تھا کہ وہ شائقین کی جانب سے آنے والے رسپانس سے متعلق اچھی طرح آگاہ ہیں تاہم ساتھ ہی اداکارہ ماہرہ نے یہ بھی کہا کہ مگر وہ اب اس بارے میں زیادہ نہیں سوچتیں۔