پاکستان کی سپر ماڈل مشک کلیم کی گزشتہ شب نادر ضیاء کے ساتھ بارات کی تصویر سوشل میڈیا پر وائرل ہوگئی ہے۔

مشک کلیم نے فوٹو اینڈ ویڈیو شئیرنگ ایپ انسٹاگرام پر ایک تصویر پوسٹ کی ہے۔

شئیر کی گئی تصویر میں دیکھا جاسکتا ہے کہ مشک کلیم اپنے شوہر نادر ضیاء کے ساتھ بیٹھی ہیں۔

مشک کلیم نے اپنی زندگی کے اس خاص دن کے موقع پر پاکستان کی نامور ڈیزائنر ثانیہ مسکتیا کا تیار کردہ گہرا لال عروسی جوڑا زیب تن کیا ہوا ہے جبکہ نادر نے  سیاہ رنگ کے سوٹ کے ساتھ مہرون ٹائی اور سفید شرٹ زیب تن کی ہے۔

مشک کلیم کی بارات کی تقریب میں شوبز ستاروں نے بھی شرکت کی۔

خیال رہے کہ مشک کلیم جمعرات کو قریبی دوست نادر ضیاء کے ساتھ رشتۂ ازدواج میں منسلک ہوئی تھیں۔

سپر ماڈل مشک کلیم کے نکاح کی تصاویر سوشل میڈیا پیجز پر وائرل ہوگئی تھیں۔

وائرل تصاویر میں مشک کلیم کو اپنے شوہر نادر ضیاء کے ساتھ دیکھا گیا تھا جس میں وہ دونوں بے حد خوش نظر آرہے تھے۔

مشک کلیم نے اپنے نکاح پر سفید رنگ کے جوڑے کا انتخاب کیا جبکہ ان کے شوہر نادر ضیاء نے سفید کڑتا شلوار پہنا تھا۔

یاد رہے کہ مشک کلیم نے پچھلے ماہ اپنے انسٹا گرام اکاؤنٹ پر شادی کے کارڈ کی تصویر شیئر کرتے ہوئے اپنی شادی کا اعلان کیا تھا۔

ماڈل مشک کلیم نے فوٹو اینڈ ویڈیو شیئرنگ ایپ انسٹا گرام پر اپنی شادی کے کارڈ کی تصویر شیئر کی تھی۔

انہوں نے اپنی شادی کا کارڈ شیئر کرتے ہوئے لکھا تھا کہ الحمداللّٰہ، بیس دن بعد شادی ہے۔

سپر ماڈل کی شادی کے کارڈ پر 15 دسمبر کو ان کے قریبی ساتھی نادر ضیاء کے ساتھ ان کا نکاح تھا۔

مشک کلیم نے کم عمری میں ہی ماڈلنگ کا آغاز کیا تھا اور اب تک کئی ایوارڈز بھی حاصل کر چکی ہیں۔

مشک کلیم نے انسٹاگرام پر نادر ضیاء کے ساتھ اپنی چند  خوبصورت تصاویر بھی شیئر کی تھیں۔