پاکستان کی متنازع ٹک ٹاک اسٹار حریم شاہ اور ان کے شوہر بلال شاہ نے بچوں کی خواہش کا اظہار سب کے سامنے کر دیا۔

حال ہی میں حریم شاہ نے نجی ٹی وی چینل کو ایک انٹرویو دیا جس میں وہ اپنے شوہر بلال شاہ کے ساتھ نظر آئیں۔

انٹرویو کے دوران میزبان کے بچوں کے بارے میں سوال پر بلال شاہ نے کہا کہ انہیں دو بچے پسند ہیں۔

لیکن جب یہ ہی سوال حریم شاہ سے کیا گیا تو انہوں نے جواب میں کہا کہ مجھے بچے بہت سارے پسند ہیں پوری کرکٹ ٹیم ہونی چاہئیے۔

 ٹک ٹاک اسٹار نے مزید کہا کہ میں اپنے بچوں کے اسلامی نام رکھوں گی۔

واضح رہے کہ حریم شاہ نے ستمبر 2021 میں پہلی بار بلال شاہ کے ہمراہ انسٹاگرام پر ویڈیو شیئر کی تھی۔

اداکارہ نے اس ویڈیو کو شئیر کرتے ہوئے بلال شاہ کو اپنی زندگی قرار دے دیا تھا۔

بعد ازاں حریم شاہ نے بلال شاہ کی ویڈیوز اور تصاویر شیئر کرنے کے بعد انہیں اپنا شوہر قرار دیا مگر میڈیا نے ٹک ٹاک اسٹار کے دعوے کو اہمیت نہیں دی تھی۔

انٹرویو کے دوران بلال شاہ نے بھی اس بات کا دعویٰ کیا کہ رواں برس چند ماہ قبل ہی ہم نے شادی کی ہے اور ہمارا خون کا رشتہ بھی ہے کیونکہ ہم دنوں ہی ضلع مانسہرہ کے رہائشی ہیں۔

بلال شاہ  نے بتایا کہ ہم کراچی میں رہتے ہیں اور ہماری شادی میں اہل خانہ بھی راضی تھے اور ایک طرح سے ان کی شادی پسند اور والدین کی رضامندی والی شادی ہے۔

انہوں نے خدا کا شکر ادا کرتے ہوئے کہا کہ انہیں ایک نیک سیرت، خوبصورت، رحم دل، شفاف اور خیال رکھنے والی بیوی ملی ہے۔