طویل انتظار کے بعد بالی وڈ کی آئٹم گرل اور متنازع شخصیت راکھی ساونت کے شوہر جن کا نام رتیش ہے دنیا کے سامنے آئے ہیں۔

رتیش کو پہلی بار بھارتی ٹی وی شو ’بگ باس سیزن 15 ‘ میں دیکھا گیا تھا جس کا تعارف راکھی ساونت نے خود کروایا تھا۔

چند روز قبل یہ انکشاف ہوا ہے کہ رتیش کی پہلے سے ایک بیوی موجود ہے جس سے ان کا ایک بیٹا بھی ہے۔

اس حوالے سے رتیش نے کچھ انکشافات کیے ہیں جس کے مطابق انہوں نے قبول کیا ہے کہ راکھی ان کی دوسری اہلیہ ہیں جبکہ پریا ان کی پہلی بیوی ہیں اور ان کا ایک بیٹا بھی ہے۔

رتیش نے بتایا کہ کچھ عرصہ قبل پریا انہیں چھوڑ کر بھاگ گئیں تھی جس کے بعد انہوں نے اسے اپنے بیٹے کی وجہ سے قبول کرلیا تھا لیکن جب وہ دوسری مرتبہ فرار ہوئیں تو انہیں چھوڑنے کا فیصلہ کرلیا تھا۔

رتیش نے بتایا کہ 2014 میں ان کی پریا کے ساتھ شادی ہوئی تھی لیکن ان 7 سالوں میں پریا میرے ساتھ زیادہ عرصہ نہیں رہی ہیں لیکن ان کا دعویٰ ہے کہ میں انہیں بری طرح مارتا تھا ۔

رتیش نے کہا ہے کہ ان کے پاس تمام مطلوبہ ثبوت موجود ہیں جو کہ پریا کے الزامات جھٹلانے کے لئے کافی ہیں اور میں ایسا جلد ہی کروں گا۔

خیال رہے  کہ رتیش کی پہلی بیوی کا نام پریا ہے اور انہوں نے رتیش پر دھوکہ دہی کا الزام عائد کرتے ہوئے شکایت بھی درج کروائی ہے۔