پاکستان کے نامور اداکار فواد خان کی سالگرہ کی یاٹ پارٹی میں شرکت کرنے والے مہمانوں کو دی گئی انوکھی ہدایات سامنے آگئیں۔

اداکار نے اپنی 40 ویں سالگرہ منانے کے لئے منعقد کی گئی یاٹ پارٹی دبئی میں اپنی فیملی اور دوستوں کے ساتھ منائی۔

فواد خان کی سالگرہ کی تقریب کے دعوت نامے کی تصویر سوشل میڈیا پر وائرل ہوگئی ہے۔

اس تصویر میں دعوت نامے پر دی گئی خصوصی ہدایات میں لکھا گیا تھا کہ آپ پارٹی میں اپنی پسند سے ہر طرح کی تفریح کرسکتے ہیں لیکن یاد رکھیں لانڈری، سپا، سلون ، ٹرانسپورٹیشن، کھانا کسی بھی ریستوران سے منگوانا ہوتو خود خریدنا پڑے گا۔

واضح رہے کہ اداکار فواد خان کی سالگرہ میں پاکستان شوبز انڈسٹری کی کئی مشہور شخصیات نے شرکت کی جن میں گلوکار فیصل کپاڈیا، اداکار محب مرزا، اداکارہ صنم سعید اور دیگر نے شرکت کی تھی۔

فواد خان کی سالگرہ 29 نومبر کو تھی لیکن یاٹ پارٹی کا انعقاد 3 دسمبر کو کیا گیا تھا جو کہ 4 دسمبر تک جاری رہا۔