بالی وڈ کی نامور اداکارہ پریانکا چوپڑا کو نک جونس کی بیوی کہہ کر مخاطب کرنا رپوٹر کو خاصہ مہنگا پڑگیا ہے۔

حال ہی میں اپنی نئی فلم کی تشہیر  میں مصروف اداکارہ پریانکا چوپڑا کو ایک رپوٹر نے ’نک جونس کی اہلیہ‘ کہہ کر مخاطب کیا جس پر اداکارہ نے برہمی کا اظہار کیا ہے۔

ہوا کچھ یوں کہ ایک رپوٹر نے اداکارہ کی نئی فلم کے حوالے سے ایک آرٹیکل لکھا جس میں اداکارہ کے نام کے بجائے انہیں ’نک جونس کی اہلیہ‘ لکھا گیا تھا‘۔

اس آرٹیکل کا اسکرین شاٹ شیئر کرتے ہوئے ادکارہ نے کہا کہ بہت دلچسپ بات ہے کہ میں اپنی صلاحیتوں کی بنیاد پر ایک بڑا اور مضبوط کردار ادا کررہی ہوں لیکن یہاں مجھے کسی کی بیوی کہہ کر مخاطب کیا جارہا ہے۔

انہوں نے اپنی انسٹاگرام اسٹوری پر بھی اسکرین شاٹ شیئر کئے تھے جو کہ سوشل میڈیا پر کافی وائرل ہوئے ہیں۔