بالی وڈ انڈسٹری کی جانب سے ایک ایسی فلم کا ٹریلر جاری کیا گیا ہے جس کا موضوع باڈی شیمنگ ہے۔

بھارتی میڈیا کی رپورٹس کے مطابق اس فلم میں مرکزی کردار اداکارہ سوناکشی سنہا اور اداکارہ ہما قریشی کا ہے اور اس فلم کا نام ’ڈبل ایکس ایل‘ ہے۔

اس حوالے سے اداکارہ سوناکشی سنہا اور اداکارہ ہما قریشی نے بات کرتے ہوئے بتایا ہے کہ انہیں اپنے کیریئر میں موٹاپے کی وجہ سے بہت باتیں سننے کو ملی تھیں۔

انہوں نے بتایا کہ کسی کی جسامت پر بات کرنا اس کی پوری شخصیت کو بگاڑکر رکھ دیتا ہے اور یہ ہمارت معاشرے میں بہت عام ہوتا جارہا ہے۔

اداکاراؤں کا کہنا تھا کہ وہ بھی زندگی کے اس پہلو سے گزری ہیں کہ جب سوشل میڈیا صارفین ان کی تصاویر پر منفی کمنٹس کیا کرتے تھے۔

خیال رہے کہ باڈی شیمنگ پر مبنی اس فلم میں کامیڈی، انٹرٹینمنٹ اور موٹاپے کا بھرپور مظاہرہ کیا جائیگا۔