پاکستان کی ٹک ٹاک اسٹار حریم شاہ کی نئی ڈانس ویڈیو نے سوشل میڈیا پر وائرل ہوتے ہی تہلکہ مچا دیا۔

حریم شاہ کی جانب سے فوٹو اینڈ ویڈیو شئیرنگ ایپ انسٹاگرام پر متعدد ویڈیوز پوسٹ کی گئی ہیں۔

شئیر کی گئی ویڈیوز میں اداکارہ کو ڈانس کرتے ہوئے دیکھا جاسکتا ہے۔

ویڈیو وائرل ہوتے ہی اداکارہ سوشل میڈیا صارفین کی جانب سے شدید تنقید کی زد میں آگئیں۔

اس سے قبل بھی حریم شاہ نے فوٹو اینڈ ویڈیو شئیرنگ ایپ انسٹاگرام پر ویڈیو پوسٹ کی تھی۔

شئیر کی جانے والی ویڈیو پر سوشل میڈیا صارفین حریم شاہ اور ان کے شوہر پر شدید تنقید کر رہے تھے۔

اس سے قبل پاکستان کی ٹک ٹاک اسٹار نے سندھ کے وزیر سے شادی کا دعویٰ کیا تھا۔

حال ہی میں حریم شاہ نے نجی ٹی وی چینل کو ایک انٹرویو دیا جس میں وہ اپنے شوہر بلال شاہ کے ساتھ نظر آئی تھیں۔

انہوں نے انٹرویو کے دوران یہ اعتراف کیا تھا کہ انہوں نے جون 2021 میں پاکستان پیپلز پارٹی (پی پی پی) کے رکن سندھ اسمبلی اور صوبائی وزیر سے شادی سے متعلق دعویٰ شغل میلا لگانے کے لئے کیا تھا۔

ٹک ٹاک اسٹار نے 28 جون کو پی پی پی رہنما سے شادی کا دعویٰ کرتے ہوئے کہا تھا کہ ان کے شوہر رکن سندھ اسمبلی اور صوبائی وزیر بھی ہیں اور یہ بھی کہا تھا کہ وہ جولائی میں ترکی سے ہنی مون سے واپسی پر کراچی میں ولیمے کی تقریب بھی منعقد کریں گے۔

حریم شاہ کی جانب سے اس شادی کے دعویٰ پر میڈیا میں تہلکہ مچ گیا تھا اور پیپلز پارٹی کے ارکان نے وضاحتیں بھی دی تھیں کہ انہوں نے ٹک ٹاک اسٹار سے کوئی خفیہ شادی نہیں کی تاہم اب 6 ماہ بعد حریم شاہ نے اعتراف کیا کہ انہوں نے رکن سندھ اسمبلی اور صوبائی وزیر سے شادی کے دعوے شغل میلا لگانے کے لئے کیے تھے۔

انہوں نے اس بات کا دعویٰ بھی کیا کہ ان کے شوہر بلال شاہ بھی سیاستدان ہیں اور ان کے تعلقات بہت بڑے لوگوں سے ہیں مگر وہ اس متعلق فی الحال کوئی دعویٰ نہیں کرنا چاہتیں۔

واضح رہے کہ حریم شاہ نے ستمبر 2021 میں پہلی بار بلال شاہ کے ہمراہ انسٹاگرام پر ویڈیو شیئر کی تھی۔

اداکارہ نے اس ویڈیو کو شئیر کرتے ہوئے بلال شاہ کو اپنی زندگی قرار دے دیا تھا۔

بعد ازاں حریم شاہ نے بلال شاہ کی ویڈیوز اور تصاویر شیئر کرنے کے بعد انہیں اپنا شوہر قرار دیا مگر میڈیا نے ٹک ٹاک اسٹار کے دعوے کو اہمیت نہیں دی تھی۔

انٹرویو کے دوران بلال شاہ نے بھی اس بات کا دعویٰ کیا کہ رواں برس چند ماہ قبل ہی ہم نے شادی کی ہے اور ہمارا خون کا رشتہ بھی ہے کیونکہ ہم دنوں ہی ضلع مانسہرہ کے رہائشی ہیں۔

بلال شاہ  نے بتایا کہ ہم کراچی میں رہتے ہیں اور ہماری شادی میں اہل خانہ بھی راضی تھے اور ایک طرح سے ان کی شادی پسند اور والدین کی رضامندی والی شادی ہے۔

انہوں نے خدا کا شکر ادا کرتے ہوئے کہا کہ انہیں ایک نیک سیرت، خوبصورت، رحم دل، شفاف اور خیال رکھنے والی بیوی ملی ہے۔

ایک سوال کے جواب میں بلال شاہ نے بتایا کہ ان کی خواہش ہے کہ ان کے صرف دو ہی بچے ہوں مگر حریم شاہ نے کہا کہ وہ بہت سارے بچے چاہتی ہیں۔