بالی وڈ کی اداکارہ کترینہ کیف اور اداکار وکی کوشل کی شادی کی تیایاں روز و شور سے جاری ہیں۔

بھارتی  میڈیا کے مطابق کترینہ اور وکی کی شادی کی تقریبات کا باقاعدہ آغاز رواں ہفتے کی 7 تاریخ سے ہوگا جو کہ 3 روز تک جاری رہیگا۔

اس شادی کے حوالے سے بھارتی میڈیا کا کہنا ہے کہ  یہ شادی بہت عالیشان اور تمام رسم و رواج کے مطابق انجام پائے گی جبکہ اس کے متعلق کترینہ اور وکی نے اپنا کوئی بیان نہیں دیا ہے۔

بھارتی میڈیا نے دعویٰ کیا ہے کہ کترینہ اور وکی کی شادی کو بھارت کے اسپیشل ایکٹ کے تحت رجسٹرڈ کرایا گیا ہے جس کے لئے انہوں نے گزشتہ ہفتے کورٹ میرج کی ہے۔

تاہم اب نئی رپورٹس یہ ہیں کہ اس جوڑے کی شادی کے لئے ایک خاص قسم کا منڈپ تیار کیا گیا ہے۔

اطلاعات یہ بھی ہیں کہ گزشتہ رات اداکارہ کترینہ کیف کو اداکار وکی کوشل کے  گھر کے باہر دیکھا گیا ہے اور ان کے ہمراہ ان کے گھروالے و دیگر بھی موجود تھے۔

خیال رہے کہ اس شادی کے حوالے سے گزشتہ 2 ماہ سے خبریں گردش میں ہیں۔