بالی ووڈ کے معروف اداکار سلمان خان نے اپنی مشہور فلم بجرنگی بھائی جان کا سیکوئل بنانے کا اعلان کردیا۔

یہ اعلان سلمان خان نے گزشتہ روز ایک فلم کی ریلیز کے لئے منعقد کی گئی تقریب کے دوران کیا۔

انہوں نے کہا کہ وہ اپنی بلاک بسٹر فلم بجرنگی بھائی جان کا سیکوئل بنائیں گے جسے کے وی وجیندرا پرساد لکھیں گے۔

واضح رہے کہ کبیر خان کی ہدایت کاری میں بننے والی فلم بجرنگی بھائی جان 2015 میں ریلیز کی گئی تھی جس میں پاکستان اور بھارت کے درمیان اتحاد کا پیغام دیا گیا تھا۔

 اس فلم میں سلمان خان اور کرینہ کپور کے ساتھ چائلڈ اسٹار ہرشالی ملہوترا نے مرکزی کردار ادا کیا تھا جبکہ فلم کی دیگر کاسٹ میں نواز الدین صدیقی بھی شامل تھے۔