پاکستانی اداکارہ وینا ملک کے ڈانس پر سوشل میڈیا صارفین نے شدید رد عمل کا اظہار کیا ہے۔

وینا ملک پاکستان کی معروف اداکارہ ہیں، انہوں نے نہ صرف پاکستان بلکہ متعدد بھارتی فلموں و ڈراموں میں بھی اداکاری کے جوہردکھائے ہیں تاہم وہ اپنے کیریئر کے دوران کئی تنازعات میں گھری رہیں۔

وینا ملک حال ہی میں اس وقت سرخیوں کا حصہ بنیں جب ایک مارننگ شو میں ان کا ویڈیو وائرل ہوا جس میں وہ لائیو شو میں پش آپس چیلنج کرتی نظر آئیں۔

ایک اور نجی ٹی وی کے شو میں وینا ملک رقص کرتی نظر آئیں۔ وینا ملک کے ڈانس پر سوشل میڈیا صارفین نے شدید رد عمل کا اظہار کرتے ہوئے ان پر سخت تنقید کی۔

یاد رہے وینا ملک نے گزشتہ ہفتے ایک انٹرویو میں دوسری شادی خوبصورت اور دین دار شخص سے کرنے کی خواہش کا اظہار کیا تھا ۔

انہوں کہا تھا کہ اگر انہوں نے دوسری شادی کی تو وہ کسی دین دار شخص سے کریں گی کیونکہ جو شخص اللہ تعالیٰ سے ڈرتا ہے وہ آپ کے ساتھ ظلم نہیں کر سکتا اور اللہ سے نہ ڈرنے والا شخص ظالم ہوتا ہے۔

واضح رہے وینا ملک نے پہلی شادی 2013 میں اسد خٹک سے کی تھی اور وہ 2 بچوں کی ماں بھی ہیں تاہم 2017 میں ان کی شادی ختم ہوئی تھی۔