پاکستان کی خوبرو اداکارہ آمنہ الیاس کی ورزش کے دوران لی گئی تصویر وائرل ہوگئی ہے۔

پاکستان ڈرامہ انڈسٹری کی نامور خوبرو اداکارہ اکثر خبروں کی زینت بنی رہتی ہیں جس کی خاص وجہ ان کی تصاویر اور ویڈیوز ہیں جو وہ خود اپنے سوشل میڈیا اکاؤنٹ پر شیئر کرتی ہیں۔

ایسی ہی ایک تصویر گزشتہ روز آمنہ الیاس نے اپنے سوشل میڈیا کے انسٹاگرام اکاؤنٹ پر شیئر کی ہے جس کی وجہ سے انہیں صارفین نے شدید تنقید کا نشانہ بنایا ہے۔

شیئر کی گئی تصویر آمنہ الیاس نے ورزش کے دوران عکس بند کی ہے جس کو شیئر کرتے ہوئے انہوں نے لکھا کہ ’ورک ان پروگریس‘ جبکہ اس تصویر میں آمنہ الیاس نے کم کپڑے زیب تن کیے ہوئے ہیں جس میں ان کا جسم بھی نمایاں نظر آرہا ہے۔

مداحوں نے آمنہ الیاس کے کپڑوں پر انہیں تنقید کا نشانہ بنایا اور ایک صارف نے کہا کہ ’ایسی تصویر شیئر کرتے ہوئے انہیں شرم نہیں آئی‘ جبکہ ایک اور صارف نے کہا کہ ’بحیثیت مسلمان آپ کو ایسے دیکھ کر بہت مایوسی ہوئی‘۔

علاوہ ازیں آمنہ الیاس کی پوسٹ پر تبصرہ کرتے ایک انشرا خان نامی صارف نے لکھا کہ ’کیا اس طرح کے کپڑوں کی پاکستان میں اجاازت ہے؟ جبکہ مزید کائنات بٹ نامی صارف نے سوال کیا کہ ’ؔکیا یہ اسلامی جمہوریہ پاکستان ہے؟‘۔

واضح رہے کہ اس سے قبل اداکارہ کی جانب سے سوشل میڈیا پر ایک تصویر شیئر کی گئی تھی جس میں وہ بالکل سادہ لگ رہی تھی جبکہ اداکارہ کی اس تصویر پر سوشل میڈیا صارفین نے پسندیدگی کا اظہار کیا تھا۔