بالی وڈ میں کترینہ اور وکی کی شادی کے بعد عالیہ اور رنبیر کی شادی کا انتظار کیا جارہا ہے جس کے حوالے سے پہلے ہی بہت سی خبریں گردش میں ہیں۔

بھارتی میڈیا کے دعوے کے مطابق اس بار اداکارہ عالیہ بھٹ اور اداکار رنبیر کپور کی شادی کے حوالے سے سامنے آنے والی اطلاعات بہت قریبی ذرائع سے موصول ہوئی ہیں جو کہ بہت ٹھوس ہیں۔

بھارتی میڈیا کے مطابق عالیہ اور رنبیر بہت سادہ انداز اپناتے ہوئے اپنے عزیز و اقارب میں موجودگی میں شادی کرنے کے خواہش مند ہیں۔

بھارتی میڈیا کا کہنا ہے کہ عالیہ بھٹ کے والد مھیش بھٹ اپنی ناساز طبیعت کے باعث سفر نہیں کرسکتے ہیں اور ان ہی خوشی کے لئے یہ جوڑا ممبئی میں  ہی شادی کریگا۔

ممبئی میں شادی کی تقریب کے لئے لکثری ہوٹل ’تاج لینڈ اینڈز‘ فائنل کیا گیا ہے جہاں پر سادگی کے ساتھ عالیہ اور رنبیر شادی کریں گے۔

خیال رہے کہ فی الحال تاریخ کے حوالے سے کوئی اطلاعات موصول نہیں ہوئیں ہیں لیکن کہا یہ جارہا ہے کہ 2022 کے آغاز پر ہی یہ دونوں شادی کرلیں گے۔

واضح رہے کہ ان کی شادی کے حوالے سے چلنے والی خبریں سال 2017 سے گردش میں ہیں تاہم ان خبروں کو حتمیٰ شکل دینے کا وقت آچکا ہے۔