پاکستان کی معروف اداکارہ اقرا عزیز نے اپنے بیٹے کبیر حسین کی پہلی تصویر سوشل میڈیا پر شیئر کردی ہے۔

اس پوسٹ میں اقرا عزیز نے اپنے 5 ماہ کے بیٹے کی تصویر شیئر کرتے ہوئے لکھا ہے کہ بہت پیار اور محبت کے ساتھ ہم اپنے بیٹے کی تصویر آپ لوگوں کے ساتھ شیئر کر رہے ہیں۔

اداکارہ نے بتایا ہے کہ کبیر حسین کی یہ تصویر اس وقت لی گئی تھی جب وہ 03 ماہ کے تھے۔

دوسری جانب  اداکار یاسر حسین نے بھی اپنے 5 ماہ کے بیٹے کبیر حسین کی نئی تصویر شیئر کی تھی۔

اس تصویر کو شیئر کرتے ہوئے یاسر حسین نے لکھا ہے کہ، ملیں میرے نئے ڈرائیور  کبیر حسین سے ۔

اس تصویر پر شوبز شخصیات نے نیک تمناؤں کا اظہار کیا ہے اور دعائیں بھی کی ہیں۔

خیال رہے کہ اقرا عزیز اور یاسر حیسن مختلف موقعوں پر اپنے بیٹے کبیر حسین کی تصاویر اور ویڈیوز سوشل میڈیا پر کرتے رہتے ہیں۔

واضح رہے کہ اقرا عزیز اور یاسر حسین نے اپنے بیٹے کبیر حسین کا انسٹاگرام اکاؤنٹ بھی بنادیا ہے جو کہ کبیر حسین کے نام سے ہے۔

اس اکاؤنٹ سے پہلی پوسٹ بھی جاری کردی گئی ہے ۔