بھارت کی نامور کامیڈین بھارتی سنگھ نے اپنے پہلے بچے سے متعلق اپنی تمام تر خواہشات کا اظہار میڈیا کے سامنے کیا ہے۔

حال ہی میں بھارتی سنگھ نے اپنے ایک وی لاگ میں انکشاف کیا تھا کہ وہ جلد ہی ماں بننے والی ہیں جس پر شوبز شخصیات نے نیک تمناؤں  کا اظہار کیا ہے۔

اس اعلان کے بعد بھارتی سنگھ کی ایک ویڈیو سامنے آئی ہے جس میں انہوں نے اپنی پہلی اولاد کے متعلق اپنی خواہشات کا اظہار کیا ہے۔

اس ویڈیو میں دیکھا جاسکتا ہے کہ بھارتی سنگھ کہتی ہیں کہ انہیں اپنی پہلی اولاد بیٹی چاہیئے جو کہ ان ہی کی طرح محنتی ہوگی۔

انہوں نے مزید بتایا کہ بیٹی ہوتی ہے تو ماں باپ کا خیال رکھتی ہے ورنہ بیٹے تو کھیل میں مگن رہتے ہیں، کم سے کم بیٹی میرے لئے چائے تو بنائیگی ناں۔

ان کا مزید کہنا تھا کہ لڑکیاں سب سے بہترین ہوتی ہیں اس لئے مجھے بھی اپنی پہلی اولاد بیٹی ہی چاہیئے۔

خیال رہے کہ بھارت سنگھ اپنا یہ وقت بہت انجوائے کرتی ہوئی نظر آرہی ہیں ۔