پاکستان ڈرامہ انڈسٹری کی سینئر اداکارہ صبا فیصل اور معروف اداکارہ اشنا شاہ بھارت میں اپنی اداکاری کے جوہر دکھانے کے لئے تیار ہیں۔

صبا فیصل نے فوٹو اینڈ ویڈیو شئیرنگ ایپ انسٹاگرام پر ایک ویڈیو شیئر کی ہے۔

اداکارہ نے اس ویڈیو میں بتایا کہ یہ اُن کا پہلا دن ہے اور وہ بیلاروس کیوں آئی ہیں آپ جلد دیکھیں گے، انشاء اللّٰہ۔

انہوں نے کیپشن میں لکھا کہ ایک عظیم ڈائریکٹر کے ساتھ نیا پروجیکٹ۔

دوسری جانب اداکارہ اشنا شاہ نے بھی اپنی انسٹا اسٹوری پر صبا فیصل کی پوسٹ کو شیئر کیا ہے۔

انہوں نے یہ ویڈیو شیئر کرتے ہوئے لکھا کہ وہ سرحد پار اس شراکتداری اور اس ادارے سے سیکھنے کا اعزاز ملنے پر بہت پرجوش ہیں۔

 ویڈیو میں دیکھا جاسکتا ہے کہ انوراگ کشپ اداکارہ صبا فیصل اور اشناشاہ سے پراجیکٹ کے بارے میں بات کر رہے ہیں۔

واضح رہے کہ اداکارہ صبا فیصل اور اشنا شاہ نے مشہور بھارتی ہدایت کار انوراگ کشپ کے ساتھ ایک نئے پراجیکٹ کا اعلان کردیا ہے۔

اداکاراؤں کی یہ ویڈیوز سوشل میڈیا کے مختلف پیجز پر وائرل ہو گئی ہیں جس کے بعد اشنا شاہ نے اپنی اسٹوری میں لکھا کہ انوراگ کیشپ سے ٹپس لینے کا مطلب یہ نہیں کہ وہ ان کے ساتھ کسی پراجیکٹ پر کام کررہی ہیں جب ایسا ہوگا تو ضرور بتائیں گی۔